Kjo ngjyrë është e zeza e re: Shkon mirë me gjithçka, duket elegante dhe luksoze te secila femër!

Kërkimi për pjesë rrobash në këto nuanca u rrit me 108 për qind

Ashtu si e zeza, ngjyra bezhë është e veshur gjatë gjithë vitit, shkon thuajse me gjithçka dhe arrin t'u rrijë mirë të gjithave, gjë që vërtetohet nga fotot nga Instagrami që postohen çdo ditë nga adhurueset e modës.

Sipas të dhënave të fundit të hulumtuesit të modës Stylight, kërkimi i pjesëve në nuancat e ofruara është rritur me 108 për qind, transmeton Telegrafi.

Ditëve të fundit pothuajse nuk kishte zonjë e cila në veshjen e saj të krijuar me kujdes nuk kishte theksuar së paku një pjesë rrobe në ngjyrë bezhë apo në nuancën krem, ndërsa disa zonja shkuan një hap përpara në edicionin e tërësishëm duke krijuar pjesë rrobash të nuancave të çelura.