Kina ndalon gjithçka në nderim të mbi 3,000 viktimave të coronavirusit, tre minuta heshtje edhe për mjekët që po konsiderohen si martirë

Gjithçka ka ndaluar sot në Kinë për tre minuta heshtje, në nderim të mbi 3,000 viktimave të coronavirusit, si dhe mjekëve që e pësuan gjatë trajtimit të sëmurëve.

Zyrtarët shtetërorë kanë thënë se kjo ishte mundësia më e mirë, për t’i nderuar martirët që po konsiderohet si heronjtë e kësaj pandemie, që janë 16 mjekët, të cilët e pësuan derisa ishin në detyrë, transmeton Telegrafi.

Shteti më i populluar në botë, ka shënuar 3,326 vdekje nga coronavirusi, derisa raportohet se 81,639 janë të infektuar, por kjo shifër duket se është shumë më e lartë.

Në orën dhjetë, të gjithë banorët ndaluan atë që po bënin, veturat, dhe trenat ndaluan për t’ju rënë borive, së bashku me anijet që ndodheshin në breg, në kujtim të atyre që nuk jetojnë më. Derisa flamujt, janë ulur në gjysmë shtizë.

Të përulur në nderim të viktimave, shumë njerëz janë mbledhur edhe në Wuhan ku ishte edhe qendra kryesore e shpërthimit të kësaj sëmundje.

Mjekët dhe shërbyesit e spitaleve, janë mbledhur përjashta në nderë të viktimave, derisa nuk mungonin as të veshurit me uniforme speciale, që janë bërë simbol i luftimit të kësaj pandemie. /Telegrafi/