Khloe Kardashian dhe Tristan Thompson nuk janë fejuar pavarësisht thashethemeve

Statusi i marrëdhënies së Khloe Kardashian dhe Tristan Thompson mbetet i pandryshuar pavarësisht thashethemeve për një fejesë.

Fansat spekuluan se të dy mund të kenë vendosur të martohen kur një unazë diamanti u pa në dorën e majtë të Kardashian muajin e kaluar. Ndërsa ata janë ende së bashku, akoma nuk e kanë bërë atë hap.

Një burim i tha Entertainment Tonight se çifti i famshëm ‘nuk janë fejuar dhe nuk do të kishte kuptim që një fejesë të ndodhte tani’.

Burimi citoi punën e Thompson me Boston Celtics si vështirësimin e gjërave sepse Khloe duhet të udhëtojë ‘midis Los Angeles dhe Boston’.

Për fat të mirë, udhëtimi nuk e ka prishur marrëdhënien e tyre.

“Ata po kalojnë kohë të mirë si çift dhe po vazhdojnë të përqendrohen në rritjen e True së bashku dhe të jenë prindërit më të mirë që mund të jenë, si gjithmonë”, tha burimi.

Dyshja kanë një vajzë dy vjeçare, True, dhe filluan lidhjen në 2016 para se të ndaheshin në 2019.

Ndarja u komentua shumë, pasi u raportua që Tristan, 29 vjeçar, kishte tradhtuar Khloe, 36 vjeçe, me shoqen e ngushtë të motrës së saj Kylie Jenner, Jordyn Woods, megjithëse kjo e fundit i kishte mohuar thashethemet.

Dyshja ringjallën marrëdhënien e tyre, megjithatë, në vitin 2020 teksa ishin në karantinë së bashku me True. /Telegrafi/