Me këtë pyetje, Musk zbulon nëse kandidatët për punë po e gënjejnë atë

Elon Musk zbuloi se kur e din nëse dikush po e gënjente atë në një intervistë për punë.

“Më tregoni për disa nga problemet më të vështira që keni punuar dhe si i keni zgjidhur ato”, është një detyrë që Musk vendos për kandidatët në intervistat për punë dhe gjithashtu ka një shpjegim të mirë.

“Njerëzit që e kanë zgjidhur me të vërtetë këtë problem e dinë saktësisht se si e zgjidhën atë. Ata mund të përshkruajnë edhe detajet më të vogla”, tha Musk në Samitin e Qeverisë Botërore 2017, transmeton Telegrafi.

Metoda e Musk mbështetet në idenë se dikush që bën një pretendim të rremë i mungon aftësia për ta vërtetuar atë bindshëm. Kjo është arsyeja pse ai dëshiron t’i dëgjojë ata duke folur hap pas hapi për mënyrën se si kanë punuar për të zgjidhur një problem.

Një studim i botuar në Journal of Research Applied in Memory and Cognition dhjetorin e kaluar zbuloi disa mënyra për të zbuluar gënjeshtarët, përkatësisht teknikën e intervistës për punë, e cila mbështet efektivitetin e asaj që Musk ka bërë për vite me radhë, shkruan CNBC.

Studimi zbuloi se treguesit e së vërtetës “zakonisht duan të tregojnë pafajësinë e tyre duke dhënë informacion më të hollësishëm në përgjigje”. /Telegrafi/