Kërkohet zbardhja e rastit të abuzimit me të miturën në Drenas

Këshilli Komunal për Siguri në Bashkësi (KKSB) në Drenas ka dënuar ashpër rastin e fundit të dyshimit për abuzim seksual nga polici dhe profesori ndaj të miture dhe ka kërkuar nga organet e rendit që sa më shpejt të zbardhet kjo çështje, në mënyrë që të mos përsëritën rastet e tilla.

Kryetari i Komunës së Drenasit, Ramiz Lladrovci, ka folur lidhur me veprimet që ka ndërmarrë komuna që ai drejton lidhur me mësimdhënësin Xh.Sh., i cili është ri-suspenduar nga detyra dhe ndaj tij të cilit do të zhvillohen edhe procedura disiplinore sipas legjislacionit në fuqi.

Lexo po ashtu Drenori: Dyshoj se Ramiz Lladrovci ka qenë në dijeni për policin për ngacmim seksual edhe të një zyrtareje komunale

Pas shumë diskutimeve, në këtë mbledhje të jashtëzakonshme janë dhënë edhe rekomandimet për të parandaluar dukuritë e tilla, si organizimi i një fushate sensibilizuese nga Drejtoria Komunale e Arsimit në Drenas përmes billbordeve, që të rinjtë ta kuptojnë se ku duhet t’i adresojnë ankesat e tyre të bazuara.

Po ashtu, është kërkuar nga mediat të kenë kujdes në lidhje me raportimin e rasteve të tilla për arsye që t’u jepet mundësia IPK-së, prokurorisë dhe institucioneve të zbardhin rastet e tilla sa më shpejt.