Kendrick Lamar konfirmon lindjen e fëmijës së dytë përmes publikimit të kopertinës së albumit të ri

Albumi i ri i Kendrick Lamar , “Mr. Morale & The Big Steppers,” mund të mos ketë dalë ende – por duket se fëmija i tij i dytë ka ardhur.

Reperi 34-vjeçar me sa duket konfirmoi në kopertinën e publikimit të tij të pestë se ai dhe e fejuara e tij, Whitney Alford, mirëpritën fshehurazi fëmijën e dytë.

Në foton familjare, të shpërndarë në Instagram të mërkurën (11 maj), fituesi i “Grammyt” mban në dorë vajzën e tij 2-vjeçare, emrin e së cilës nuk e ka zbuluar ende.

Vogëlushja përputhet me babanë e saj me një këmishë të bardhë, ndërsa Lamar mban një kurorë me gjemba në kokë me një armë të futur në pantallonat e tij.

Në sfond, partnerja e tij Alford, 35 vjeç, mund të shihet e ulur në një shtrat dhe duke ushqyer një foshnje të porsalindur.

Çifti, i cili filloi lidhjen në shkollën e mesme dhe konfirmoi fejesën në vitin 2015, nuk kishte njoftuar më parë se do të zgjeronte familjen e tyre.

View this post on Instagram

A post shared by Kendrick Lamar (@kendricklamar)

Dyshja u bënë prindër kur vajza e tyre thuhet se lindi në korrik 2019.

Ndonëse Lamar ka qëndruar në heshtje për atësinë gjatë viteve, ai foli për lidhjen me Alford në janar 2015, duke e quajtur atë “shoqen e tij më të mirë” në një intervistë për “Billboard”.

“Unë as nuk do ta quaja atë e dashura ime. Nuk më pëlqen as termi që shoqëria ka vënë në botë për sa i përket të qenit shoqëruese – ajo është dikush që mund t’i tregoj frikën time”, kishte deklaruar reperi.

Alford gjithashtu postoi kopertinën e albumit të ri në Instagramin e saj të mërkurën.

Lexo po ashtu Dolën thashetheme se u largua nga muzika, Kendrick Lamar rikthehet me albumin e ri më 13 maj

“Mr. Morale & The Big Steppers” publikohet të premten. Lamar publikoi këngën e parë nga albumi, “The Heart Part 5”, të dielën.

Ai përdori teknologjinë “deepfake” për të shndërruar veten në Will Smith, Kobe Bryant, Kanye West dhe më shumë yje në videoklipin shoqërues. /Telegrafi/