Katër skuadrat që luftojnë për trofeun e Ligës Unike në konkurrencën e femrave

Katër skuadrat më të mira të Ligës Unike në konkurrencën e femrave do të përballen në garë për trofeun e kësaj gare.

Ky është edicioni i parë dhe historik, andaj dëshira është e madhe për të fituar këtë trofe. Final 4 do të organizohet në Prishtinë, më 23 dhe 24 mars.

Gjysmëfinalja e parë është mes Penzës dhe Bashkimit, një derbi kosovar në Ligën Unike. Pejanet përfunduan garat me tetë fitore e dy humbje, ndërsa prizrenaset me pesë fitore e pesë humbje. Vashat prizrenase fituan Kupën e Kosovës dhe sigurisht e duan edhe trofeun e Ligës Unike, ashtu siç e duan edhe kampionet e Kosovës që kanë fituar Superkupën Mbarëkombëtare të zhvilluar vitin e kaluar në Vlorë.

Lexo po ashtu Mësohen shpërblimet për Final 4 të Ligës Unike në konkurrencën e femrave

Gjysmëfinalja tjetër është ndërmjet Prishtinës dhe Flamurtarit, që përfunduan garat me nga shtatë fitore e tri humbje, si dhe me nga një fitore ndaj njëra-tjetrës. Prishtinase si organizator synon të fitojë trofeun e çmuar, ndërsa vashat nga Vlora udhëtojnë të bindura për të triumfuar.

Spektakël i basketbollit pritet në Prishtinë për dy ditë, ndërsa hyrja do të jetë falas për adhuruesit e basketbollit.