Katër mënyra të thjeshta për të ekuilibruar sheqerin tuaj në gjak natyrshëm

Dihet që mbajtja e sheqerit në gjak të qëndrueshëm jo vetëm që ju mban të lumtur dhe energjik, por gjithashtu mbron nga diabeti dhe sëmundjet e zemrës.

Dhe tani, hulumtimi në revistën Diabetes Care zbulon se mbajtja e shëndetshme e niveleve të sheqerit në gjak zvogëlon rrezikun e ndërlikimeve të COVID-19 me 66 për qind! Dhe është më e lehtë se kurrë.

Ndiqni këshillat që ua sjellim më poshtë:

Shijoni një para-vakt para darkës

Pirja e një pije freskuese me një lugë gjelle uthull para dy vakteve të përditshme ul rrezikun e sheqerit në gjak me 64 për qind, sipas një studimi historik të Universitetit të Shtetit Arizona. Meritat i takojnë acidit acetik të uthullës, i cili ndihmon muskujt të thithin sheqernat në gjak.

Qesh me “Friends”

Sigurisht, ecja është një mënyrë e shkëlqyeshme për të mbajtur nën kontroll sheqerin në gjak. Por çfarë është më argëtuese dhe më efektive? Përplasje në divan përpara një seriali! E qeshura aktivizon muskujt në fytyrë, shpatulla dhe bark, të cilat përdorin glukozë për lëvizje. Kur ekspertët japonezë krahasuan njerëzit që shikuan një komedi me ata që shikuan një shfaqje të zymtë pas vaktit, ata zbuluan se e qeshura shtypte rritjen e sheqerit në gjak me 48 për qind – kjo është më shumë se dy herë më shumë se një ecje dhjetë minutëshe në këmbë!

Pini edhe një gllënjkë

Shuarja e etjes tuaj me një gotë ujë çdo tre deri në katër orë lufton dehidratimin, duke ulur rrezikun e sheqerit në gjak me 32 për qind. Kështu thonë shkencëtarët francezë, të cilët gjetën përfitimin tek ata që pinin ujë çdo ditë. Ekspertët thonë se qëndrimi mirë të hidratuar mban një kapak në nivelet e hormonit, duke parandaluar ngritjet që mund të shkaktojnë mëlçinë të prodhoj glukozë shtesë.

Kurseni më të mirën për në fund

Të shijosh një darkë të freskët gjatë verës është një kënaqësi e mirëpritur dhe ekziston një mënyrë e thjeshtë për ta bërë atë edhe më mirë: Shijoni pulën dhe perimet para se të gërmoni në atë sallatë të shijshme me patate. Shkencëtarët e Kolegjit Mjekësor Weill Cornell thonë se ngrënia e perimeve dhe shpendëve ose mishit përpara ushqimeve me amidon, të pasura me karbohidrate ul rrezikun për nivele të pa ekuilibruara të sheqerit në gjak deri në 37 për qind. Studiuesit shpjegojnë se proteinat dhe fibrat ngadalësojnë thithjen e sheqerit nga karbohidratet në qarkullimin e gjakut. /Telegrafi/