Kate Winslet zbulon sekretin e skenës me dërrasën e përmbysur në det: Uji ishte i cekët deri te beli, Leonardo ishte në gjunjë

Kate Winslet ka zbuluar një fakt interesant për skenën me derën në filmin “Titanic”, raporton revista “People”.

Kate zbuloi se uji nuk ishte aspak i thellë siç dukej në ekran. “Për të shuar iluzionin, pishina ishte deri te beli në atë moment”, tha ajo.

Ajo shtoi gjithashtu se ishte shumë e thjeshtë të hyje dhe të dilje nga pishina për të shkuar në tualet gjatë xhirimeve.

“Në çdo rast, po, ishte deri te beli. Leo, më vjen keq ta them, ishte në gjunjë. Nuk duhet ta them këtë, Jimmy Cameron do të më telefonojë”, u shpreh me humor Winslet.

“Në të vërtetë, ajo që ishte e mahnitshme për skajet e pishinës është se ajo ishte një pishinë ‘e pafund’. Pra, vazhdimisht rridhte ujë dhe mund të dëgjoje zhurmën e vazhdueshme të ujit”, tregoi ajo.

Winslet kujtoi gjithashtu se si u fut fshehurazi në një kinema në New York për të parë “Titanic”-un për herë të parë me dy miq të saj.

“Kur u shfaq premierë në Londër, isha vërtet në gjendje të keqe. Kisha një helmim të tmerrshëm nga ushqimi dhe isha në fakt në spital në Londër, shumë e çuditshme. Ndërsa kur u shfaq në ShBA, isha në një varrim të të dashurit”, shpjegoi aktorja britanike. /Telegrafi/