Për Klevis Begën faji është jetim edhe në marrëdhënien e munguar babë e fëmijë pas një divorci. Të dielën kantautori preku zemrat e të gjithëve me interpretimin e këngës “Pa faj” në “Kënga Magjike”, ku konkurron në duet me 17-vjeçaren Rea Nuhu.

Duke sjellë në këtë festival dramën e babait të penduar për vajzën, si një fenomen që ndodh shpesh sot, Kastro Zizo rrëfen më shumë sekrete nga jeta e tij si artist.

https://www.instagram.com/p/BawH4xIgRIK/

“Nuk është këngë personale… Kokën pas do ta ktheja për shumë gjëra që kam bërë e s’kam bërë… Por kjo është e pamundur, kështu që e kthej vetëm për të mos përsëritur gabimet që kam bërë”, citon Panorama fjalët e kantautorit.

Lexo po ashtu Kastro nuk do pazare për pikë në Kënga Magjike

Në pyetjen se kjo këngë duket si monolog i së ardhmes, mes tij dhe vajzës Nia, ai është përgjigjur: “Në fakt, nuk duket fare ashtu, sepse situata në tekst dhe realitet është krejt ndryshe. Unë nuk kam përse zgjedh asnjë fjalë për mirëkuptim, sepse nuk do të ketë nevojë. Thjesht do të vazhdojmë jetët tona së bashku. Ajo është gjaku dhe shpirti im”.

Në insistimin e mëtutjeshëm rreth marrëdhënies së tij jo të afërt me vajzën, Kastro e ka përsëritur se teksti nuk ka të bëjë me jetën e tij.

Në ndërkohë, raportet e këngëtarit me djalin Dankan janë të mira dhe ai është i afërt me të.

“Me djalin kam një marrëdhënie të shkëlqyer dhe sigurisht që takohem me nënën e tij, jemi miq të mirë”, ka thënë Zizo.