Finalja e Kupës së Kosovës në hendboll do të jetë një ngjarje e paharrueshme, me Kastriotin dhe Besën Famgas që do të përballen për trofeun. Ferizaj dhe Istogu ndeshjen në finalen për femra.
Të dy skuadrat kanë arritur në finale pas ndeshjeve të shkëlqyera, duke lënë pas ekipe të forta dhe duke treguar lojë të jashtëzakonshme.
Edhe konkurrenca e femrave ka dhuruar emocione, me Ferizajn dhe Istogun që sot takohen nga ora 17:30.
Kastrioti – Rahoveci 27:24
Kastrioti ka siguruar një vend në finale pas një fitoreje emocionuese 27:24 kundër Rahovecit. Ndeshja ishte një spektakël hendbolli, me të dy skuadrat që dhuruan momente të bukura dhe intensitet të lartë.
Kastrioti ka treguar forcë dhe koordinim, duke e mposhtur Rahovecin dhe siguruar kalimin në finalen e madhe.
Besa Famgas – Vushtrria 42:24
Nga ana tjetër, Besa Famgas ka treguar një performancë të shkëlqyer në gjysmëfinale, duke mundur Vushtrrinë me një rezultat dominues 42:24.
Jon Vokshi ishte hero i ndeshjes, duke shënuar 15 gola për ekipin pejan.
Te Vushtrria, Egzon Ademi u dallua me 12 gola, por kjo nuk ishte e mjaftueshme për të shpëtuar ekipin nga humbja.
Finalja në Ferizaj
Palestra "Bill Clinton" në Ferizaj do të jetë arena ku do të zhvillohet finalja e Kupës së Kosovës. Kastrioti dhe Besa Famgas janë dy skuadra me traditë dhe adutë të fuqishëm.
Të dy skuadrat kanë një histori të pasur dhe do të ofrojnë një finalen emocionuese që do të mbajë tifozët pezull.
Ndeshja pritet të jetë një përballje e fortë mes dy skuadrave cilësore, duke ofruar spektakël dhe emocione të pastra. Ndeshja e madhe fillon në ora 20:00.
Dy skuadrat do të luftojnë për lavdinë e Kupës së Kosovës, dhe Ferizaj do të jetë qyteti ku do të vendoset fati i këtij trofeu. /Telegrafi/
