Kanë kaluar 1,518 ditë nga eliminimi i fundit: Përse Guardiola dhe City e adhurojnë kaq shumë Carabao Cup-në?

Hera e fundit kur Manchester City ishte eliminuar nga Carabao Cup, Barack Obama ishte president i ShBA-së, iPhone 7 sapo ishte lansuar dhe Jose Mourinho që do bëhej trajner i Manchester United.

Një sukses i jashtëzakonshëm i Citizens do të thotë që ju duhet të ktheheni katër vjet, një muaj dhe 26 ditë, të mërkurën, 26 tetor të vitit 2016, për herën e fundit dhe të vetmen – që Pep Guardiola u eliminua nga gara.

Vetëm 10 javë pas mbretërimit të trajnerit katalunas, një formacion startues i ri i Citytt që përfshinte 11 lojtarë që disa prej tyre nuk janë më Etihad u mundën 1-0 në Old Trafford.

Që nga ajo kohë, skuadra e Guardiolas ka fituar garën në tre sezone radhazi dhe tani janë vetëm tre fitore larg ngritjes së trofeut pasi synojnë të bëhen klubi i dytë që fiton Kupën e Ligës në katër sezone të njëpasnjëshme.

Një pjesë e arsyes për suksesin e tyre të qëndrueshëm është se, ndërsa shumë nga rivalët e Cityt ndihen të detyruar të paraqesin formacione më të dobëta në mënyrë që të merren me orarin e vështirë të futbollit anglez, Guardiola vazhdimisht e ka marrë seriozisht turneun pavarësisht  skuadrës së tij me angazhime të njëjta nga të tjerat.

49-vjeçari ka një dëshirë të pashuar për të fituar çdo ndeshje që luan, pa asnjë trofe më pak të rëndësishëm se çdo tjetër.

“Nuk është një kundërshtar që mund të thotë se ata u ndeshën me një nga ekipet e mia – Manchester City, Bayern Munich ose Barcelona – dhe ne nuk u përpoqëm të fitonim”, ka thënë ai para fitores së fundit të sezonit të kaluar ndaj Aston Villas.

“Duhet guxim të përpiqesh të fitosh gjithë kohën”, ka shtuar ai.

Guardiola gjithashtu beson se trofeu i fituar brenda një sezoni mund t’u japë lojtarëve vrullin për të shkuar dhe të kërkojnë më shumë triumfe, ashtu si bënë në vitin 2019 kur Kupa Carabao ishte e para për ta në atë edicion. /Telegrafi/