Kancelari i Austrisë, Sebastian Kurz, ka uruar Avdullah Hotin, pas votimit me 61 vota pro për kryeministër të Kosovës.
Kurz në llogarinë e tij në Twitter shkroi se do të vazhdojnë ta përkrahin Kosovën në rrugën e saj evropiane.
“Urime Hotit në emërimin si kryeministër i ri i Kosovës. Ne do të vazhdojmë ta përkrahim Kosovën në rrugën e saj evropiane dhe inkurajojmë përparimin e mëtutjeshëm në dialogun Beograd-Prishtinë”, ka shkruar Kurz.
Ish-kryeministri Albin Kurti ka bërë të ditur se nesër nuk do ta bëjë pranim-dorëzimin te Hoti.
“Nesër nuk do ta bëjë pranim-dorëzimin sepse nuk mund ta pranoj atë që e shkarkova. Do të kthehemi përsëri dhe shumë shpejt”./Telegrafi/
