Kamioni lëvizte me 80 kilometra në orë, burri në karrocë filmohet duke lëvizur bashkë me të (Video)

Një shofer në Afrikën e Jugut ka filmuar një ngjarje të pazakontë në rrugët e këtij vendi, dhe për pak orë është bërë hit në internet.

Në fakt para tij po lëvizte një kamion, por ajo çfarë ia kishte tërhequr më shumë vëmendjen ishte një burrë i ulur në karrocën për invalidë, që po mbahej në rimorkion e kamionit dhe po e shfrytëzonte si “taksi”, transmeton Telegrafi.

Kamioni po lëvizte me shpejtësi prej rreth 80 kilometra në korsinë e mesme, por kjo nuk e ndaloi burrin në karrocë që të shëtitet “pa para”.

Por, ky veprim i tij ka nxitur reagime të ashpra të opinionit që madje disa filluan të shkruajnë komente paksa fyese, duke thënë se “tani po e dinë se si ka përfunduar në karrocë”.

“Në një shtet ku 14 mijë persona humbin jetën brenda një viti në aksidente trafiku, një veprim i tillë është i papranueshëm. Është një gjest shumë i rrezikshëm”, kanë njoftuar zyrtarë lokalë. /Telegrafi/