Ka vdekur deputeti iranian me “simptoma sikur të gripit”, derisa coronavirusi është duke u përhapur nëpër Iran

Një deputet iranian ka vdekur nga “simptoma sikur të gripit”, raportoi agjencia shtetërore e lajmeve, në mes të një rritje të konsiderueshme të numrit të rasteve të coronavirusit në Republikën Islamike.

Mohammad Ali Ramazani Dastak i cili u zgjodh javën e kaluar si përfaqësuesi për Astana Ashrafieh, u “shtrua në spital për shkak të gripit dhe dëmtimeve kimike”, që sipas ISAN-s, datojnë nga lufta Iran-Irak, transmeton Telegrafi.

Vdekjen që ndodhi sot në mëngjes, agjencia nuk e ka lidhur me coronavirusin dhe nuk është konfirmuar nëse ai ishte një nga pesë deputetët që e kontraktuan sëmundjen.

Lexo po ashtu Shkencëtarët pretendojnë se coronavirusi është 1,000 herë më i dëmshëm se SARS-i, plagët që ia shkakton trupit janë të njëjta me ato të HIV dhe Ebola

Sidoqoftë, gazetari Ali Hashem, bashkëpunëtor i studimit në Qendrën për Studime Islame dhe Azinë Perëndimore në Royal Holloway, raportoi se Z. Dastak u testua pozitiv “disa ditë më parë”.

Indipendent raporton se ky rast, vjen pasi një zëdhënës i ministrisë së shëndetësisë, tha që coronavirusi ka vrarë 43 njerëz në Republikën Islamike, mes 593 rasteve të konfirmuara.

Zyrtarët në sistemin shëndetësor të Iranit, i kanë thanë BBC-së se të paktën 210 njerëz kanë vdekur si pasojë e sëmundjes, ndërsa më parë ishin akuzuar nga Shtetet e Bashkuara, se ka më shumë të infektuar ndërsa janë duke i fshehur të dhënat.

Raportohet se zyrtarët shëndetësorë janë përgatitur mirë, ndërsa presin qindra mijëra njerëz që të testohen për coronavirus. /Telegrafi/