Ka ndërruar jetë ish-basketbollisti legjendar Bill Russell

Ka ndërruar jetë legjendari Bill Russell në moshën 88 vjeçare, një prej basketbollistëve më të mëdhenj që ka parë ndonjëherë bota.

Bota e sportit humbi një nga legjendat më të mëdha të NBA. Ai është basketbollisti më i dekoruar në ligën më të fortë në botë, në të cilën fitoi 11 tituj dhe ishte MVP pesë herë. Ai gjithashtu fitoi dy herë NBA si trajner.

Legjenda e Bostonit u nda nga jeta në moshën 88-vjeçare. Lajmi është konfirmuar në faqen zyrtare të basketbollistit të njohur.

An announcement… pic.twitter.com/KMJ7pG4R5Z

— TheBillRussell (@RealBillRussell) July 31, 2022

Russell vdiq në shtëpi në sy të gruas e cila ishte pranë tij gjatë gjithë jetës.

Russell u konsiderua si një nga pesë basketbollistët më të mirë dhe kishte edhe nga ata që e konsideruan atë më të mirën ndonjëherë.

Vështirë se ka ndonjë njohje që i famshëm Russell nuk ka marrë. “NBA Hall of Fame”, kaloi 13 vjet me Boston Celtics, duke i çuar ata në finale 12 herë dhe duke humbur vetëm një herë. Në sezonin kur humbi finalen, ai u dëmtua në serinë e rezultatit 2:2 dhe nuk mundi ta ndihmonte skuadrën të fitonte trofeun.

Deri në ardhjen e Michael Jordan, ishte Russell ai që konsiderohej basketbollisti më i madh i të gjitha kohërave.

11 vite më parë, presidenti i atëhershëm amerikan, Barack Obama, i dha “Urdhrin e Lirisë”, çmimi më i lartë për banorët në vend. /Telegrafi/