Juve dështon të fitojë (Video)

Juventusi nuk ka arritur të fitojë kundër Lyonit (1-1) dhe kështu e ka shtyrë kualifikimin për në fazën e eliminimit direkt të Ligës së Kampionëve, duke mbetur prapa Sevillas në Grupin H.

Zonja e Vjetër e dominoi pjesën e parë duke e kontrolluar lojën dhe arriti të realizojë një gol.

Pas një aksioni të Bianconerëve të iniciuar nga Gonzalo Higuain, Sturaro u ndal në mënyrë të palejuar në zonë dhe arbitri akordoi penalti. Përgjegjësinë e mori vet Higuain dhe goditja e tij u ndal në rrjetë (14’).

Në vazhdim Claudio Marchisio goditi fuqishëm, por shtylla ishte në ndihmë të mysafirëve. Më pas Mario Mandzukic krijoi një rast shumë të mirë për Higuain, por ai goditi mbi portë.

Loja e mirë e vendasve vazhdoi edhe në gjysmën e dytë, mirëpo skuadra franceze u tregua shumë e rrezikshme në periudha të caktuara.

Dhe pas një harkimi nga gjuajtja e lirë të Ghezzal, Corentin Tolisso ia doli ta barazonte rezultatin (85’).

Në ndeshjen tjetër të këtij grupi, Sevilla ka fituar me rezultat 4-0 kundër Dinamo Zagrebit. Andaluzianët kryesojnë grupin me 10 pikë, dy më shumë se Juventusi që pozicionohet në vend të dytë. /Telegrafi/

https://www.youtube.com/watch?v=UgoxswuB1Yw