Modelja amerikane, Julia Fox, ka reaguar ndaj thashethemeve se ka humbur peshë duke përdorur injeksionin e insulinës Ozempic.
Gjegjësisht, në një intervistë të re, ajo ka thënë se nuk do të përdorte kurrë një injeksion që i ndihmon pacientët të mbijetojnë.
“Shumë thonë që unë marr Ozempic. Kjo nuk është e vërtetë. Unë kurrë nuk e kam përdorur dhe nuk do ta bëja kurrë. Ka diabetikë që kanë nevojë për të”, ka theksuar manekinia.
Ajo ka pranuar në të kaluarën të ketë bërë liposuksion dhe injeksione botoks. Ndërkohë, ajo ka vendosur ta pranojë faktin se trupi i saj nuk duket si dikur.
“Nëse shoh një produkt tjetër bukurie që thotë se është kundër plakjes, do ta padis prodhuesin. Do të plakem pavarësisht nëse e vendos atë serum 500 dollarësh në fytyrën time. Le të mos gënjejmë veten”, ka deklaruar Julia.
Fox doli në qendër të vëmendjes së publikut amerikan pasi u njoftua në janar të vitit të kaluar se ajo ishte në një lidhje me reperin Kanye West. Megjithatë, historia e tyre e dashurisë nuk zgjati. Ata u ndanë dy muaj më vonë. /Telegrafi/