“Jugohromi” ka ndërprerë punimet për filtrat (Video)

Kombinati “Jugohrom” ka ndërprerë tërësisht punimet për vendosjen e filtrave. Sipas drejtuesve të fabrikës vendimi i tillë është marr për shkak të refuzimit të kërkesës për hapjen e fabrikës dhe vijimin paralelisht të punimeve për vendosjen e filtrave. Megjithatë Ministria e Ekologjisë mbetet fuqishëm në qëndrimin që fabrika të hapet vetëm pas përmbushjes së standardeve ekologjike.

“Bisedat ishin pak të ashpra sepse kishte mendime të kundërta dhe zoti Bashkim Ameti kërkonte që të kryhen filtrat pastaj të vazhdohet me punë kurse kërkesa jonë ishte që këtë afat deri sa s’ka ndotje, nga prilli deri në tetor të punojmë dhe paralelisht të instalojmë filtrat”, tha për Alsat-M Bajram Amiti, kryetar i Sindikatës së Jugohromit.

Ndërkaq organizata për mbrojtjen e mjedisit EcoGuerilla ka publikuar sot rezultatet e fundit nga matjet e ndotjes së ajrit. Sipas tyre që nga mbyllja e fabrikës ndotja e ajrit është ulur më shumë se 50%.

Ndërkohë sipas informatave në Ministri të Ekologjisë, nëse vazhdon kjo situatë duke mos punuar në drejtim të vënies së filtrave, Jugohromi rrezikon që së shpejti të humb krejtësisht lejen për të vazhduar punën./Telegrafi/

Lexo po ashtu Eco Guerilla do ta padit kombinatin ”Jugohrom” për ndotje të mjedisit jetësor dhe natyrës

https://www.youtube.com/watch?v=0cvwAV1LjUM