John Krasinski shpallet mashkulli më seksi i 2024-ës: Transformimi nga Jim Halpert në hero aksioni

John Krasinski, i njohur për rolin e tij të dashur si Jim Halpert në “The Office”, ka kaluar një transformim të jashtëzakonshëm gjatë dy dekadave të karrierës së tij, duke u shndërruar nga komediani i përditshëm në një hero aksioni.

Sot, ai është shpallur “Mashkulli më seksi i 2024” nga revista “People”, një titull që i është dhënë në një episod të “Late Show” me Stephen Colbert.

Edhe pse filloi karrierën si aktor në komedi romantike, Krasinski tani është bërë një emër i njohur në trilerët aksion, me rolin e tij të suksesshëm në serialin “Jack Ryan” të Amazon Prime, shkruan DailyMail.

Ky transformim fizik dhe profesional i ka dhënë atij një status të ri dhe të lakmuar në industrinë e filmit.

Megjithatë, edhe pse tani ka një pamje të jashtëzakonshme, Krasinski ka pranuar se ai “i urren stërvitjet”.

Në fillim, ai fitoi famë si një aktor me pamjen e “djalit fqinj”, që e bëri të përshtatshëm për rolin e Jim-it në “The Office”, por me kalimin e kohës ai ka evoluar dhe ka marrë rolin e heroit të trupit të fortë.

Pas përfundimit të “The Office”, jetën e tij e ka shoqëruar një periudhë e pasigurisë dhe adaptimi, por rolet që pasuan, si ai në “13 Hours: The Secret Soldiers of Benghazi*, ku luajti një ish-marinar amerikan, e konsoliduan atë si një aktor i serioz dhe me shumë mundësi në Hollywood. /Telegrafi/