Joaquin Phoenix dhe e fejuara e tij, Rooney Mara, janë zyrtarisht prindër.
Çifti së fundmi mirëpritën djalin të cilën e kanë pagëzuar me emrin, River, zbuloi filmbërësi Victor Kossakovsky.
Ky i fundit ishte duke promovuar dokumentarin e titulluar “Gunda” në Festivalin e Filmit në Zvicër, ndërkohë që Phoenix, i cili ishte producent i filmit, nuk ishte i pranishëm.
Joaquin Phoenix dhe Rooney Mara (Foto: Dave J Hogan/Getty Images/Guliver)
“Ai ka një foshnje dhe emri i tij është River, kështu që nuk është prezent”, njoftoi Victor.
Phoenix dhe Mara e pagëzuan djalin e tyre me emrin e vëllait të ndjerë të yllit të “Joker”, i cili vdiq më 1993 prej mbidozës së drogës.
Lajmet për ardhjen në jetë të foshnjës vijnë pasi Page Six zbuloi në maj që aktorja është shtatzënë.
Joaquin Phoenix (Foto: Tristan Fewings/Getty Images/Guliver)
Dyshja fillimisht u njoftuan në setin e filmit “Her”, të cilët më pas u ribashkuan edhe në “Mary Magdalene”.
Në korrik të vitit 2019, US Weekly konfirmoi që çifti u fejuan meqë aktorja e “Girl With the Dragon Tatto” u fotografua me një unazë diamanti. /Telegrafi/
