Jennifer Lopez përlotet gjatë fjalimit emocional në “MTV Movie & TV Awards 2022” pas pranimit të çmimit të gjeneratës

Jennifer Lopez është zyrtarisht fituese e çmimit të gjeneratës.

Gjatë ndarjes së çmimeve “MTV Movie & TV Awards 2022” të së dielës, ylli 52-vjeçar u nderua me “Generation Award” (çmimi i gjeneratës) i cili nderon aktorët, kontributet e larmishme të të cilëve si në film ashtu edhe në televizion i kanë kthyer ata në emra të njohur.

Aktorja dhe këngëtarja e filloi fjalimin e saj të pranimit të çmimit duke iu referuar roleve kryesore të filmave të saj më të mëdhenj.

“Unë i shikoj ata filma dhe shoh të gjithë njerëzit e mrekullueshëm me të cilët kam qenë e bekuar të njoh dhe të punoj me ta. Ti je po aq i mirë sa njerëzit me të cilët punon. Dhe nëse je me fat, ata të bëjnë më të mirë. Dhe unë kam qenë shumë me fat në këtë drejtim”, tha Lopez.

“Si aktore nuk jam asnjë nga gratë që kam luajtur, por ka një pjesë që është thellësisht e vërtetë për mua në secilin prej atyre personazheve. Meqenëse nuk mund të krijosh të vërtetën nëse nuk e ke jetuar me të vërtetë, unë keni një lloj tjetër liste të ‘faleminderimeve’ sonte”, vazhdoi ajo.

“Dua të falënderoj të gjithë njerëzit që më dhanë këtë jetë. Dua të falënderoj njerëzit që më dhanë gëzim dhe ata që më thyen zemrën,” tha Lopez, shkruan People.

The always ?????? @JLo – your 2022 #MTVAwards Generation Award Honoree ⭐️ pic.twitter.com/K0py3rbWR9

— Movie & TV Awards (@MTVAwards) June 6, 2022

“Ata që ishin të vërtetë dhe ata që më gënjyen. Dua të falënderoj dashurinë e vërtetë dhe dua të falënderoj mënyrën se si gënjeva veten sepse kështu e dija që duhej të rritesha”, tha ajo.

Këngëtarja e “Let’s Get Loud” vazhdoi të falënderojë “zhgënjimin dhe dështimin që më mësoi të jem e fortë”, duke shtuar, “dhe fëmijët e mi që më mësuan të dua”, ndërsa ajo shpërtheu në lot.

Lopez, e cila është nëna e binjakëve 14-vjeçarë Emme dhe Max, më pas mori brohoritje nga publiku ndërsa u emocionua dhe me sy të përlotur vazhdoi fjalimin e saj.

“Dua të falënderoj të gjithë njerëzit që më thanë në fytyrë ose kur nuk isha në dhomë se nuk mund ta bëja këtë. Unë me të vërtetë nuk mendoj se mund ta bëja pa ju. Dhe e di që munda ta bëja pa fansat që kanë parë filmat”, tha Jennifer.

Lopez i kërkoi falje audiencës për “të emocionuar”, duke shtuar: “Ju më njihni. Është një nder të jem në gjendje të lidhem me audiencën — të lidhem me ju. Dhe për shkak të të gjithë juve, unë do të vazhdoj të bëj drejtësi për atë nder sa të jem pranë. JU dua. Faleminderit shumë.”

Ajo gjithashtu falënderoi ekipin e MTV për mbështetjen e saj ndër vite.

Duke përfunduar me një mesazh për të fejuarin e saj Ben Affleck, i cili nuk ishte i pranishëm, Lopez tha: “Më prit të ha darkë, do të kthehem në shtëpi në orën shtatë.”

Lopez ka një karrierë filmike që përfshin dekada. Disa nga rolet e saj më të paharrueshme janë si legjenda e muzikës titullare në “Selena’ të vitit 1997, “Hustlers” të 2019-ës , si dhe disa komedi romantike gjatë viteve, duke përfshirë “The Wedding Planner”, “Maid nw Mahhattan dhe së fundmi “Marry Me”.

Lexo po ashtu “MTV Movie & TV Awards 2022”: Lista e plotë e fituesve

Në mars, ylli i shumëfishtë pranoi çmimin “Icon” për karrierën e saj muzikore në iHeartRadio Music Awards, ku ajo tha pjesërisht në fjalimin e saj emocionues: “Sapo po filloj”.

Fituesit e mëparshëm tw “Generation Awards” përfshijnë Scarlett Johansson, Dwayne “The Rock” Johnson, Chris Pratt, Will Smith, Reese Witherspoon, Robert Downey, Jr., Mark Wahlberg, Sandra Bullock, Jamie Foxx, Johnny Depp, Ben Stiller, Adam S Mike Myers, Tom Cruise, Jim Carrey dhe e gjithë ekskluziviteti i Fast & Furious. /Telegrafi/