Pas reshjeve rekorde që kanë përfshirë pothuajse të gjithë territorin e vendit ditët e fundit, situata meteorologjike është stabilizuar sa i përket reshjeve, por java e re do të karakterizohet nga depërtimi i masave të ftohta ajrore në gjithë Kosovën.
Për ditën e hënë, parashihet mot kryesisht i vranët me intervale me diell.
Temperaturat minimale do të lëvizin nga -11 deri në -8 gradë Celsius, ndërsa maksimalet nga -5 deri në -1 gradë Celsius.
Era do të fryjë kryesisht nga veriperëndimi me shpejtësi 1 deri në 5 metra për sekondë.
Autoritetet këshillojnë kujdes të shtuar për pjesëmarrësit në trafik, veçanërisht gjatë orëve të hershme të mëngjesit për shkak të ngricave dhe mjegullës./Telegrafi/
