Javën e kaluar, një lajmëtar që prezentohet me emrin @OnLeaks në Twitter ndau atë që pretendonte të ishte dizajni i finalizuar i Apple për iPhone 11 të palansuar. Ai njihet për vjedhjen e materialeve të dizajnit nga serverët në Foxconn, që është kompania fabrikat e të cilave ndërtojnë telefona për një numër klientësh duke përfshirë Apple.
@OnLeaks përdor këto dokumente të vjedhura për të bërë skicat që tregojnë modelet e ardhshme të telefonave para se të fillojnë.
Ka gjithmonë disa detaje të vogla të projektimit që mund të jenë të gabuara meqë ai nuk ka imazhe aktuale të telefonave për t’i përpunuar, por paraqitjet janë pothuajse gjithmonë pamje të sakta të telefonit në fjalë.
Kur është fjala për iPhone 11, dizajnimet e tij tregojnë një telefon që përputhet me përshkrimet që kemi dëgjuar nga Kuo dhe burime të tjera.
iPhone 11 është duke u formuar ashtu si iPhone X dhe iPhone XS nga pjesa e përparme, por pjesa e prapme tani është shtëpia e një kutie me tre lente kamerash, në vend të dy prej tyre në pajisjet paraprake.
@OnLeaks tani ka krijuar dizajne të reja, dhe kësaj radhe përfshinë edhe iPhone 11 Max, si dhe një përmirësim që bën që iPhone i ri 11 dhe iPhone 11 Max të duken shumë më mirë se sa mendohej më parë./Telegrafi/
