Jack Ma i Alibaba dikur luajti në një film kung fu: Gjashtë momentet më ekstravagante të njeriut më të pasur në Kinë

Bashkëthemeluesi i Alibaba, Jack Ma – njeriu më i pasur në Kinë, për të festuar fundin e 20 viteve të tij duke udhëhequr tregun në internet, festoi pensionimin e tij me një festë prej 60,000 personash në një stadium me madhësi olimpike.

Por kjo nuk është gjëja e parë “e veçantë” të cilën e bëri një prej drejtuesve më të lartë të Alibaba.

Dhe nuk është i vetmi Jack Ma që nuk dëshiron të tregohet “i madh”.

Pasardhësi i Ma, Drejtori i Përgjithshëm i Alibaba, Daniel Zhang, mban një profil kaq të ulët saqë prindi i një punonjësi dikur e gaboi atë për një rojtar në selinë e Alibaba, sipas Bloomberg.

Por cilat janë disa momentet më ekstravagante të kohës së Jack Ma në Alibaba?

Sipas Business Insider, përcjell Telegrafi, çdo vit në muajin maj, Ma zyrtarizon një dasmë masive për punonjësit e Alibaba.

Kështu, në festimet për “Ali Day” – ndodh “ekstravaganca vjetore” e kompanisë për nder të punonjësve të kompanisë dhe familjeve të tyre – Ma gjithmonë “marton” 102 çifte që punojnë për të.

Madje ngjarja e vitit 2019 ishte transmetuar drejtpërdrejt nga Youku, një shërbim për ndarjen e videove në pronësi të Alibaba.

Aty Ma tërhoqi vëmendjen pasi inkurajoi çiftet që të bëjnë shumë seks dhe të lindin fëmijë.

Dasma nuk është një ceremoni ligjore, por një festë e të gjithë çifteve Alibaba që janë martuar gjatë vitit të kaluar.

Veç kësaj, Ma vallëzoi në një ceremoni ndërsa kishte veshur kostumin ikonik të yllit Michael Jackson.

Jack Ma performs Michael Jackson dance on 2017 Alibaba Annual Party? pic.twitter.com/TAThZbFxrc

— Yicai Global 第一财经 (@yicaichina) September 11, 2017

Në mes të performancës, Ma hoqi maskën e tij për të zbuluar identitetin e tij para audiencës.

Ai gjithashtu u ngjit në skenë në një festival muzikor në tetor të vitit 2017, ku ai dhe këngëtari kinez Li Jian performuan për publikun.

Ma doli në skenë me xhinse dhe syze dielli dhe ishte një surprizë për audiencën.

Alibaba prodhoi edhe një film kung fu në vitin 2017 – dhe Ma luajti në të.

Në filmin 20-minutësh, Ma lufton tetë sulmuesit me aftësitë e tij tai chi, raportoi më parë Business Insider. Mbi 100 milionë njerëz e panë filmin në internet, përcjell Telegrafi.

Dhe pastaj, natyrisht, ishte festa e 60,000 personave të Alibaba në shtator të vitit 2019, ku njëkohësisht festohej 20 vjetori i Alibaba dhe pensionimi i Jack Ma.

Festa u mbajt në një stadium Olimpik dhe paraqiti një procesion të punonjësve që kujtojnë “Paradën e Kombeve të Lojërave Olimpike”, sipas The Wall Street Journal.

Jack Ma's special message in a bottle. Gift to #Alibaba staff for the company's 20th anniversary. pic.twitter.com/U0AOAj8RXY

— Matthew Brennan (@mbrennanchina) September 12, 2019

Pas festës, Ma i dhuroi secilit punonjës të Alibaba një shishe verë të përpunuar në fabrikën e Ma në Francë. /Telegrafi/