Iturbe largohet nga Roma, mbetet në Serie A

Sulmuesi argjentinas, Juan Manuel Iturbe pritet të largohet nga Roma gjatë afatit kalimtar të janarit.

Hapësirat e pakta nën urdhrat e Luciano Spallettit dhe forma jo e mirë kanë bërë që argjentinasi të kërkoi largim.

E ardhmja e tij pritet të jetë përsëri në Serie A, pasi është skuadra e Genoas favorite për transferimin e tij.

Sipas medieve italiane, Genoa ka kërkuar nga Roma huazimin e Iturbe me të drejtë blerje.

Roma pritet ta aprovojë këtë lëvizje duke e huazuar Iturben me të drejtë blerje nga Genoa për 10 milionë euro. /Telegrafi/