LAJMI I FUNDIT:

Italiani Antonio Tajanin zgjidhet president i Parlamentit Europian

Italiani Antonio Tajanin zgjidhet president i Parlamentit Europian
epa03328672 Antonio Tajani, Vice-President of the European Commission in charge of Industry and Entrepreneurship, speaks during a news conference on the construction sector action plan, at the European Commission headquarters in Brussels, Belgium, 31 July 2012. The European Commission tabled a strategy to boost the sector and to promote the construction sector as a driving force in the creation of jobs and for sustained growth for the economy. EPA/JULIEN WARNAND

Parlamenti Europian ka zgjedhur Antonio Tajanin si presidentin e ri të tij, duke pasuar kështu gjermanin Martin Schulz.

Tajani është zgjedhur në raundin e katërt të votimit, pasi në 3 raundet e parë nuk u sigurua shumica absolute e votave nga asnjë kandidat. Votimi përfundimtar bëri që Tajani të triumfonte me 351 vota pro, përkundër 282 votave të siguruara nga bashkëpatrioti i tij Gianni Pittella.

Por kush është Tajani? I lindur më 4 gusht 1953 në Romë, ai është një politikan me eksperiencë që ka shërbyer në disa pozicione të tjera më herët, si zv.president i Komisionit Europian dhe i Parlamenti Europian.


Tajani ka studiuar për Drejtësi në Universitetin “La Sapienza” të Romës dhe ka punuar si gazetar, i specializuar më së shumti në çështjet parlamentare. Ai ka punuar në “Rai Radio 1”, në gazetën “Il Giornale”, ndërkohë që ka qenë edhe i dërguar special në Liban, Somali dhe ish-Bashkimin Sovjetik. Ai shfaqi interes për politikën që në rini, kur iu bashkua “Frontit Monarkist të Rinisë”, një organizatë studentore e Partisë Monarkiste të Italisë, transmeton TCH.

Por përfshirja e tij në rangjet më të larta të politikës nisi në vitin 1994, kur mori pjesë në krijimin e partisë “Forza Italia”. Duke qenë një prej themeluesve të saj, ai shërbeu si koordinator rajonal i Lacios mes viteve 1994 dhe 2005. Në vitet 1994-1995, Tajani ishte zëdhënës i kryeministrit Silvio Berlusconi. Në vitin 2001 ai ishte kandidat për kryebashkiak të Romës, por u mposht nga Walter Veltroni.

Që prej vitit 2002, Tajani është një prej 10 zv.presidentëve të Partive Popullore Europiane (EPP). Në vitin 1994 ai hyri në politikën europiane, duke u zgjedhur deputet i Parlamentit Europian. Ai u rizgjodh në vitin 1999 dhe në 2004. Në maj të 2008-s, ai u emërua Komisioner italian i BE-së, duke marrë portofolin e Transporteve.

Mes arritjeve të tij në këtë rol, Tajani përpunoi planin e shpëtimit të “Alitalia”-s dhe mbikëqyri hartimin e Rregullores së re të BE-së për Transportet. Falë kësaj rregulloreje, u garantua mbrojtja e të drejtave të pasagjerëve në transportin ajror.

Kritikët thonë se ai ka qenë në dijeni të skandalit të emetimeve të “Volkswagen”-it, por dështoi të vepronte gjatë mandatit të tij në Komisionin Europian. Megjithatë, zgjedhja e tij në krye të Parlamentit tregon se këto pretendime e kanë nxjerrë Tajanin të padëmtuar.

Në vitin 2009, ai u emërua si Komisioner europian për Industrinë dhe Sipërmarrjen në Komisionin e dytë të drejtuar nga Jose Manuel Barroso.

Në trend Botë

Më shumë
'Objektivi më i afërt': Pse Donald Trump është kaq i fokusuar në Kanadanë?

'Objektivi më i afërt': Pse Donald Trump është kaq i fokusuar në Kanadanë?

Botë
Republika Serbe miraton një draft të kushtetutës së re - shtet brenda shtetit të Bosnje dhe Hercegovinës

Republika Serbe miraton një draft të kushtetutës së re - shtet brenda shtetit të Bosnje dhe Hercegovinës

Bosnja
Rusët vrasin robërit ukrainas të luftës - pamjet shfaqen në rrjetet sociale

Rusët vrasin robërit ukrainas të luftës - pamjet shfaqen në rrjetet sociale

Evropa
Trump me detaje të reja rreth marrëveshjes së armëpushimit në Ukrainë

Trump me detaje të reja rreth marrëveshjes së armëpushimit në Ukrainë

Evropa
Rusët i sulmojnë me raketë, ukrainasit aktivizojnë sistemin gjerman IRIS T – momenti kur interceptohet dhe shkatërrohet raketa

Rusët i sulmojnë me raketë, ukrainasit aktivizojnë sistemin gjerman IRIS T – momenti kur interceptohet dhe shkatërrohet raketa

Evropa
Njerka e mbajti si rob për 20 vjet duke e ushqyer vetëm me sanduiç, amerikani kur u lirua peshonte vetëm 30 kilogramë

Njerka e mbajti si rob për 20 vjet duke e ushqyer vetëm me sanduiç, amerikani kur u lirua peshonte vetëm 30 kilogramë

Amerika
Kalo në kategori