ISW: Putini është i shqetësuar për problemet e mëdha që do të godasin Rusinë vitin e ardhshëm

Një temë që shfaqet në raportimet rreth luftës në Ukrainë është gjendja ekonomike gjithnjë e më e rrezikshme e Rusisë.

Kjo çështje po kombinohet me një sërë vështirësish të tjera që mund të shkaktojnë shqetësim serioz te Vladimir Putini, sipas Institutit për Studimin e Luftës (ISW) me bazë në SHBA.

“Politikat e fundit ekonomike të Kremlinit tregojnë se ekonomia ruse ka të ngjarë të përballet me sfida të rëndësishme në vitin 2025 dhe se presidenti rus Vladimir Putin është i shqetësuar për stabilitetin ekonomik të Rusisë në afat të gjatë”, thonë analistët.

The Ruble is now worth just 1 US cent again, as Russia’s currency continues a monthslong slide, coupled with skyrocketing internal inflation. pic.twitter.com/ShJAbeX0NK

— OSINTtechnical (@Osinttechnical) November 15, 2024

Bëhet e ditur se Kremlini miratoi kohët e fundit disa politika që synojnë të shkurtojnë shpenzimet e qeverisë ruse për ushtarakët e plagosur rusë, të luftojnë inflacionin dhe të adresojnë problemet demografike afatgjata si lindshmëria e ulët dhe mungesa e fuqisë punëtore, shkruan skynews.

“Këto politika tregojnë se ekonomia ruse nuk është aq elastike ndaj sanksioneve perëndimore, kufizimeve monetare dhe kostos së përpjekjeve të luftës sa qeveria ruse”, shtojnë analistët.

Këto politika tregojnë gjithashtu se Kremlini nuk do të jetë në gjendje të mbajë përpjekjet e stërzgjatura të luftës për vitet dhe dekadat e ardhshme, duke mbrojtur shoqërinë ruse nga sfidat ekonomike.

Sipas analistëve, mbështetja e vazhdueshme perëndimore dhe ndërkombëtare për rezistencën e Ukrainës në fushën e betejës do të përkeqësojë më tej problemet ekonomike të Rusisë. /Telegrafi/