“Isha shumë i zemëruar me të” – Messi thyen heshtjen për episodin ku shihej i injoruar me Lewandowskin dhe nuk i dha dorën

Duke folur në një intervistë ekskluzive për Star+, Lionel Messi ka hapur episodin e çuditshëm me Robert Lewandowski që ndodhi në Kupën e Botës vitin e kaluar.

Për kujtesë, të dy u përballën në fazën e grupeve në Katar. Në një moment të ndeshjes, Leo tentoi të driblonte polakun, por u ndal nga ky i fundit në mënyrë të palejuar.

Lewandowski u përpoq të kërkonte falje duke i ofruar dorën për një shtrëngim duarsh, por argjentinasi e injoroi atë, duke e lënë të varur sulmuesin e Barçës.

Leo Messi: “The matter against the Netherlands was a little similar to what happened with Lewandowski. It bothers me when people talk off the field and disrespect the opponent.”

“Before the game, I didn't try to make Van Gaal angry, I didn't disrespect him, I never did that,… pic.twitter.com/OuJrN0LRSV

— All About Argentina 🛎🇦🇷 (@AlbicelesteTalk) December 1, 2023

Një vit pas incidentit, Leo shpjegoi: “Deklaratat e Lewandowski më shqetësonin sepse kur fitova Topin e Artë thashë atë që ndjeja vërtet, por që ai të fliste në këtë mënyrë më shqetësoi”.

Duke mbajtur një fjalim pasi fitoi të shtatin Top të Artë në vitin 2021 dhe Leo e pranoi se Leëa e meritonte çmimin për vitin 2020 që u anulua për shkak të pandemisë COVID. Sulmuesi i atëhershëm i Bayern Munich i quajti fjalët e Messit ‘boshe’.

“Unë e injorova atë gjatë lojës sepse isha i zemëruar dhe mendova se ai nuk duhej të thoshte atë që tha. Isha shumë i zemëruar. Po, po dribloja qëllimisht sepse ishte ai. Por pas ndeshjes ne biseduam dhe ramë dakord që ishte një keqkuptim”, tregon Messi. /Telegrafi/