Ish-zjarrfikësi spanjoll nën ndikim të alkoolit ndizte zjarre dhe i raportonte tek autoritetet, droni e kapi në flagrancë – arrestohet nga policia

Garda Civile në Spanjë ka arrestuar një ish-zjarrfikës spanjoll me dyshimin se ka ndezur pesë deri në gjashtë zjarre në ishullin Majorka.

Zjarrfikësi, 61-vjeçari Francisco B., është arrestuar të hënën teksa ishte në pushim mjekësor, shkruan portali spanjoll Ultima Hora.

Një zjarrfikës është arrestuar në një operacion policor për kapjen e një zjarrvënësi që së fundmi i vuri zjarret në Mallorca.

Pasditen e së hënës në numrin 112 është raportuar për një zjarr të ri që ka rënë në komunën e Caimarit, transmeton Telegrafi.

Në vendin e ngjarjes janë dërguar menjëherë ekipet kompetente të emergjencës, shkruan Euro Weekly News.

Për shkak të afërsisë së flakëve me disa shtëpi, policia lokale e Selvës dhe pjesëtarët e Gardës Civile kanë ndihmuar në evakuimin e banorëve të disa shtëpive. Pas kësaj filluan arrestimet e zjarrvënësve.

Zjarrfikësi i arrestuar nuk ishte në dijeni se zyrtarët e Ibanat dhe Gardës Civile po e vëzhgonin nga lart falë dronit. Zjarrfikësi u kap në flagrancë në gjendje të dehur dhe kishte me vete disa çakmakë, benzinë ​​dhe letër.

Në muajin e fundit, Selva dhe Caimari regjistruan shtatë zjarre në pyje dhe zjarre tokash bujqësore në zonën e tyre. Banorët jetonin të frikësuar pasi e dinin që në fillim se zjarret ishin ndezur nga faktori njeri.

Operacioni për kapjen e Francisco B. zgjati 15 ditë. Ai raportonte çdo zjarr dhe policia tashmë dyshoi në të dhe e mori në pyetje për zjarret.

Ata e kuptuan se diçka nuk shkonte pasi 61-vjeçari ishte gjithmonë ai që lajmëronte shërbimet e sigurisë për praninë e një zjarri të ri.

Të hënën, një dron arriti të regjistrojë momentin kur një zjarrvënës i vuri flakën një ferme dhe tentoi të arratisej me motoçikletë, shkruan Euro Weekly News.

I pandehuri ka punuar për një kohë të gjatë si pjesëtar i brigadës së Ibanatit si zjarrfikës dhe pasi është larguar nga puna ka punuar në ndërtim. /Telegrafi/