Ish-ylli i Little Mix, Leigh-Anne Pinnock ndan një apel urgjent për të gjetur mbesën e humbur

Ylli i popit hyri në rrjete sociale për të ndarë imazhet e mbesës së saj 13-vjeçare, e cila u zhduk më 22 korrik në zonën e High Wycombe.

Ish-ylli i “Little Mix”, Leigh-Anne Pinnock ka ndarë një apel urgjent në kërkimin e mbesës së saj të zhdukur.

Ylli i popit tha se mbesa e saj Faith u zhduk në zonën e High Wycombe, Buckinghamshire, dhe për herë të fundit u pa e veshur me një bluzë të zezë, dollakë të zeza me një çantë shpine Jordan, shkruan NewsSky.

Ajo shtoi se ishte jashtëzakonisht e shqetësuar dhe se policia ishte informuar.

The “Black Project”, një grup arti dhe kulture që ka bashkëpunuar më parë me bamirësinë e Pinnock, “The Black Fund”, gjithashtu ndau apelin dhe tha se 13-vjeçarja ishte zhukur që nga pasditja e 22 korrikut.

Pinnock tha: “Mbesa ime Faith ka humbur. Ju lutemi shpërndajeni, ne jemi jashtëzakonisht të shqetësuar, ajo nuk ka telefon apo para.

“Policia është informuar, por ende nuk e ka gjetur atë.”

Black Project shtoi: “Nuk është e qartë nëse apo si do të ishte larguar nga zona e High Wycombe, por pa asnjë mënyrë për ta kontaktuar, familja e saj është tepër e shqetësuar”.

Ata i kërkuan kujtdo që ka informacion të kontaktojë.

Një zëdhënës i Policisë së Luginës së Thames tha: “Faith u raportua e zhdukur në policinë e Luginës së Thames dje (të hënën) në mbrëmje. /Telegrafi/