iPad Pro i hollë sa edhe iPhone 6?

Ende nuk dihet nëse versioni “profesional” i tabletit të Apple, iPad Pro do të jetë më i madh dhe më i hollë sesa versioni aktual dhe modeli i fundit, iPad Air 2.

Sipas blogut korean, Macotakara, që edhe në të kaluarën ka publikuar lajme të vërteta për produktet e Apple, tani ka postuar një lajm lidhur me iPad Pro, për të cilin model thotë se do të konkurrojë direkt me rivalin Microsoft Surface Pro 3, që ka pasur më shumë sukses sesa modelet tjera të laptopëve të dedikuar për profesionistë.

Për dallim nga spekulimet e mëhershme, burimet e reja të lajmit thonë se iPad Pro do të ketë ekranin me 12.9” në vend të atij që thuhej se do të jetë 12.9”, ndërsa një fakt tjetër interesant rreth modelit të ri të tabletit të Apple thuhet se do të jetë edhe hollësia e tij, e cila besohet se do të jetë identike me atë të iPhone 6, që aktualisht është ndër modelet më të holla të telefonave në botë.

Ndërsa, në mesin e karakteristikave tjera pritet të jetë edhe kamera me iSight, sensori për hapjen me gisht, TouchID, dy speaker në pjesën e përparme të tabletit dhe dy mikrofona, në mes tjerash.

Data e mundshme e lansimit të këtij tableti të ri të Apple thuhet se do të jetë gjysma e parë e vitit të ardhshëm. (Telegrafi)