Inzaghi godet kritikët te Interi dhe zbulon kërkesën për kontratë

Simone Inzaghi e shijoj fitoren e Interit ndaj Juventusit si një hap themelor në garën e Scudettos, ndërsa zbulon se ai i kërkoi klubit të shtynte një rinovim të kontratës dhe t’u përgjigjet kritikëve.

Nerazzurrët nuk kishin fituar në udhëtimet e tyre në Serie A në vitin 2022, por e thyen ‘mallkimin’ me fitoren e tyre të parë në ligë në Torino që nga nëntori 2012.

Krijon një garë drithëruese për Scudetton, pasi Milani – që luan sot kundër Bolongnas dhe Napoli janë me 66 pikë, Interi me 63 dhe kanë një ndeshje më pak.

Lexo po ashtu Allegri thotë se Interi është favorit për titull, Juventusi i ndërtuar për sezonin e ardhshëm

“Është një hap themelor për ne. Ne po ndjekim Milanin dhe Napolin, e dimë që kemi lëshuar pikë së fundmi, por do të përpiqemi t’i rikuperojmë ato në tetë ndeshjet e mbetura”, deklaroi Inzaghi për DAZN.

“Nuk ndjeva presion, sepse të jem i sinqertë, ne po bëjmë më mirë se sa e kisha pritur në këtë fazë për sa i përket rezultateve, paraqitjeve dhe trofeve”.

“Na mungonin disa lojtarë të rëndësishëm kohët e fundit, gjëra për të cilat njerëzit do të kishin folur për klubet e tjera, ndërsa për ne diskutonin për taktikat”.

Lexo po ashtu Në kundërshtim me VAR-in, Allegri u nervozua dhe hodhi pallton në tokë - momenti "pushtoi" rrjetet sociale

“Më kujtohet në fillim të sezonit çfarë thoshin njerëzit, mbaj mend që Interi nuk kishte fituar në Juventus Stadium për 11 vjet”.

Drejtori i Interit, Beppe Marotta kishte thënë për DAZN para ndeshjes se e ardhmja e Inzaghit nuk ishte në dyshim, pavarësisht rezultatit të kësaj mbrëmjeje.

“Kam një kontratë dyvjeçare, klubi tashmë më ka kërkuar të vazhdoj, por i kam kërkuar që të presin deri në fund të sezonit. Sipas mendimit tim, kontratat vlejnë kaq shumë”, zbuloi trajneri.

Lexo po ashtu Derby D'Italia i kishte të gjitha, madje edhe fituesin: Interi largohet nga Torino me pikë të plota, Juventusi ngec në garën për titull

“Ne e dimë se shtatë muaj punë u errësuan nga barazimet kundër Genoas, Torinos dhe Fiorentinës. Ndjej besim nga klubi, lojtarët, tifozët”.

“Me sa duket, ne i argëtuam njerëzit aq shumë për gjashtë apo shtatë muaj, saqë ata u llastonin dhe u detyruan të kritikonin. Për fat të mirë, tani jam në gjendje të bëj dallimin midis kritikave konstruktive dhe atyre të krijuara për arsye të tjera”, ka shtuar më tej ai. /Telegrafi/