Investitorët gjermanë kërkojnë sqarime për “të dielën ditë jopune” në Maqedoni

Investitorët gjermanë në vend kanë paraqitur kërkesë, në Projektligjin që do ta shpallë të dielën ditë jopune, për të nxjerrë akt shtesë për rregullimin e saktë të një zgjidhjeje të tillë.

Ky akt, siç informoi drejtori i Delegacionit të investitorëve gjermanë, Patrick Martens, do të mbrojë pozitën e prodhuesve maqedonas në lidhje me zinxhirët e furnizimit global.

“Të enjten kam pasur një takim me ministren e Punës dhe Politikës Sociale Jagoda Shahpaska. Biseduam për projektligjin e ri që do ta shpallë të dielën ditë jopune. Së bashku me investitorët gjermanë në vend, ne kemi paraqitur një kërkesë në ligj për nxjerrjen e një dekreti që do të rregullojë saktësisht ligjin. Ky dekret do të mbrojë pozitën e prodhuesve nga Maqedonia e Veriut në lidhje me zinxhirët e furnizimit global.

E informova ministren se çfarë do të thotë stagnimi në prodhim për industrinë e automobilave në lidhje me zinxhirët e furnizimit global dhe konkurrencën e tregut në raport me vendet me të cilat Maqedonia e Veriut konkurron në tërheqjen e investitorëve të huaj”, tha Martens.

Ai të hënën ka pasur një takim pune me ministrin e Drejtësisë Bojan Mariçiq, në të cilin, siç thekson, ka marrë pjesë edhe zv. ambasadori gjerman Otto Graf, dhe tema e bisedimeve ka qenë mbrojtja e investitorëve./Telegrafi/