Interi ka njoftuar se do t’i mirëpresë tifozët e tyre në ‘Giuesppe Meazza’ të shtunën, ku mund të mblidhen për të ndjekur finalen e Ligës së Kampionëve kundër Paris Saint-Germain.
Finalja do të luhet në ‘BayArena’ në Mynih më 31 maj në orën 21:00.
Me pak bileta dhe shumë të vështira për t’u siguruar për një tifoz mesatar, mijëra persona aplikuan dhe mbetën të zhgënjyer.
Prandaj, klubi dhe autoritetet e qytetit kanë qenë vendosur ta hapin stadiumin për të mirëpritur tifozët, ku ata mund ta shikojnë ndeshjen së bashku.
Një ekran i madh do të instalohet dhe do të ofrohet muzikë live në stadium para fillimit të ndeshjes.
Biletat për këtë event janë në shitje nga e marta, 27 maj, me kode speciale për anëtarët e klubeve të ndryshme të tifozëve dhe mbajtësit e biletave sezonale.
Ato dalin në shitje të përgjithshme nga e mërkura, 28 maj dhe çmimi fillon nga 10 euro.
Paris Saint-Germain po organizon një aktivitet të ngjashëm në ‘Parkun e Princave’ për tifozët e tyre që nuk mund të shkojnë në Mynih.
Kjo është finalja e dytë e Ligës së Kampionëve për ‘Nerazzurrët' në harkun kohor të tre viteve, pasi humbën me rezultat 1-0 ndaj Manchester Cityt në Stamboll gjatë përballjes së vitit 2023./Telegrafi/
