Interesim i pabesueshëm për albumin “USA” të PINT, dërgesat e albumeve në shtëpitë e adhuruesve edhe gjatë vikendit

Albumi “United State of Albania” është pritur jashtëzakonisht mirë nga publiku me një rekord kërkesash në drejtim të faqez zyrtare PINT.al për porosi të albumit në shtëpi.

Adhuruesit e MC Kreshës dhe Lyrical Son po vërtetojnë dashurinë e tyre ndaj dyshes së PINT duke iu përgjigjur pozitivisht pritjes së madhe për albumin “United State of Albania”.

Kompania për distribuimin e albumit, AVD Digital, ka konfirmuar një rekord të kërkesave për albumin e PINT.

“Ka kërkesa jashtëzakonisht të mëdha në faqen PINT.al, prej ku albumi shkon si “hardcopy” në shtëpinë e secilit adhurues. Kërkojmë mirëkuptim prej adhuruesve që të presin 2 deri në 3 ditë deri në arritjen e albumit. Shpërndarjen e porosive do të vazhdojmë ta bëjme edhe gjatë fundjavës”, ka konfirmuar një përfaqësues i AVD Digital.

Albumi “USA” nga PINT ka 23 këngë dhe u lansua për ditën e pavarësisë së Kosovës përplot me bashkëpunime.

Lansimi i albumit u shoqërua me videoklipin e këngës “JBMTQR” nga Lyrical Son dhe Lluni që u shndërrua menjëherë në hit.

Teksa shitjet e albumeve po vazhdojnë në platformat online si Spotify, iTunes dhe Google Play, po vazhdojnë edhe porositë e albumit që vjen direkt në shtëpi duke e porositur për pak minuta në PINT.al.

Rikthimi i albumit nga PINT me CD që dërgohet në shtëpi është një respekt për kultin e hip hopit dhe traditën e albumeve. /Telegrafi/