Iniesta: VAR-i nevojitet, duhet të aprovohet sa më shpejt që është e mundur

Kapiteni i Barcelonës Andres Iniesta beson se La Liga ka nevojë për teknologjinë e vijës së golave (VAR) sa më shpejt që është e mundur pas polemikave të mëtejshme në natën e së dielës në ndeshjen mes Barcelonës dhe Valencias.

Ndeshja derbi e javës së 13-të në La Liga mes Valencias dhe Barcelonës ka krijuar shumë polemika në Spanjë.

Kjo pasi një gol i pastër i shënuar nga ylli argjentinas, Lionel Messi, nuk është pranuar nga gjyqtari me pretekstin që topi nuk ka kaluar vijën e fundit, teksa në xhirime shihej qartë se ai kishte kaluar.

Lexo po ashtu Topi kalon vijën, por gjyqtari nuk ia pranon golin Messit ndaj Valencias (Video)

E gjithë kjo ndodhi pasi La Liga ende nuk ka aprovuar teknologjinë e vijës së golit apo të njohur ndryshe si VAR.

Megjithatë, kundër mos-pranimit të golit dhe futjes së teknologjisë në La Liga ka dal kapiteni i Barcelonës, Iniesta, i cili mendon se kampionatit i nevojitet VAR-i.

“Ishte një gol i qartë, dhe të gjithë mund të thoshin, madje edhe nga gjuha e trupit të portierit”, ka thënë Iniesta për gazetës Marca.

Lexo po ashtu “Ishte gol i pastër, por faji është i La Ligas”, ish-gjyqtari Gonzalez komenton rastin e Messit

“Teknologjia do të ishte zgjidhja më e mirë në ato situata ku ka dyshime, futbolli ka nevojë për këtë”.

“Nuk kishte interpretim tjetër të ndryshe dhe ata që kanë nevojë për të zbatuar pajisjet e nevojshme duhet të vazhdojnë analizimin e kësaj për ta sjellë atë sa më shpejt që të jetë e mundur”, përfundoi kapiteni i Barçës. /Telegrafi/