Një video ka kapur momentin kur një elefant i egër sulmoi një ekskavator pasi dyshohet se ishte provokuar nga vendasit.
Incidenti ndodhi në Indi, kur elefanti doli nga pylli Apalchand në kërkim të ushqimit.
Sipas raportimeve, vendasit dyshohet se ngacmuan dhe ndoqën elefantin, duke e shtyrë atë të sulmonte dhe më pas të synonte pajisjet e ndërtimit dhe një kullë vrojtimi aty pranë.
Një video e incidentit që është bërë virale në internet tregon elefantin masiv duke përplasur automjetin, përcjell Telegrafi.
Mediat lokale raportojnë se elefanti ka pësuar lëndime, ndërsa askush tjetër nuk është lënduar.
Bëhet e ditur se një burrë është arrestuar nga policia pasi dyshohet se ka provokuar kafshën.
Incidenti ka ngjallur zemërim të gjerë në rrjete sociale, me kërkesa për llogaridhënie dhe ndërgjegjësim për bashkëjetesën me kafshët e egra.
Duke reaguar ndaj videos virale, një përdorues shkroi: "Me sa mizori po përballet elefanti. Jam i befasuar që mendjet njerëzore po e trajtojnë këtë kafshë. Zyrtarët e pyllit, shteti duhet të ndërhyjnë, përndryshe pas pak vitesh këto kafshë do të shihen vetëm në libra."
Një tjetër komentoi: "Arrestoni të gjithë këta njerëz". /Telegrafi/
