Igli Tare përfshihet në përplasjen verbale mes Immobiles dhe presidentit të Torinos

Drejtori sportiv i Lazios, Igli Tare ka mbrojtur sulmuesin Ciro Immobile pasi presidenti i Torinos, Urbano Cairo komentoi postimin e tij në Instagram.

Ishte situatë e tensionuar në fushë gjatë barazimit 0-0 që siguroi Torino, por konflikti vazhdon edhe pas fishkëllimës përfundimtare në Olimpico.

Immobile akuzoi presidentin e skuadrës kundërshtare për fyerjen e tij jashtë dhomës së zhveshjes, dhe Kajro u përgjigj duke shpjeguar pse ai ka një problem me sulmuesin Biancocelesti.

Tare tani ka vendosur të përfshihet në përplasjet publike dhe mbron sulmuesin në një deklaratë.

“Ciro nuk është vetëm sulmuesi i Lazios”, ka thënë Tare për Adnkronos. “Ai arriti në maje (të futbollit), në heshtje”.

“Sot, 150 golat që ai ka shënuar me fanellën tonë flasin për të”.

“Ai është ‘Mbreti Ciro’ për njerëzit e tij, për ne që punojmë së bashku çdo ditë. Ciro është një Mbret i përulur, i cili punon si shembull, një njeri që sakrifikon veten dhe që e do klubin tonë, shokët e tij të skuadrës, tifozët e tij dhe familjen e tij të shkëlqyer”.

“Për klubin, është një burim krenarie që e kemi atë në dhomën e zhveshjes, një njeri i vërtetë që është bërë një pikë referimi në familjen Biancocelesti dhe një simbol për njerëzit e Lazios, duke i dhënë shpirt bluzës sonë , brenda dhe jashtë fushës, vlera e respektit, besnikërisë dhe profesionalizmit”, ka shtuar më tej drejtori shqiptar. /Telegrafi/

View this post on Instagram

A post shared by Ciro Immobile (@ciroimmobile17)