Ide brilante nga Haaland: Si frymëzohet nga sulmuesi i Ligës Premier për t’i mposhtur mbrojtësit

Erling Haaland ka zbuluar se shikon një sulmues të Ligës Premier, i cili është më i miri në botë në një pjesë specifike të lojës, në mënyrë që të përmirësohet.

Norvegjezi është një nga sulmuesit më të kërkuar në Evropë, me pothuajse të gjitha klubet kryesore të kontinentit të lidhur me një lëvizje për të.

Sulmuesi pothuajse me siguri do të largohet nga Borussia Dortmund këtë verë, dhe madje pretendoi se ndjeu se ishte nën presion nga klubi për të nënshkruar një marrëveshje të re.

Lexo po ashtu "Ju lutem, a mund të kemi Erling" - Brightoni me komentet qesharake në postimin e Dortmundit

Ndërsa ritmi, forca dhe përfundimi i tij e kanë bërë atë një sulmues jashtëzakonisht të fuqishëm, gjë që është shumë e frikshme duke pasur parasysh se ai ka shënuar 56 herë në 57 paraqitje në Bundesligë.

Dhe Haaland ka zbuluar se ai shpesh shikon Jamie Vardy, sepse sulmuesi i Leicester City është ‘më i miri në botë’ për të vrapuar pas qendërmbrojtësve.

“Unë nuk kam studiuar, por kam parë shumë lojtarë”, deklaroi Haaland për Sky Sports.

“Le të marrim një shembull: vrapimi pas qendërmbrojtësit kur numri 10 ka topin”.

“Ju ndoshta keni më të mirin në botë dhe ai është Jamie Vardy, unë e kam shikuar shumë atë pikërisht për këtë cilësi”.

“Kështu jam, gjithmonë kam parë shumë futboll. Kur luajmë të shtunën, shkoj në shtëpi dhe të dielën shikoj futboll gjithë ditën. Gjithmonë më ka pëlqyer shumë futbolli”, ka shtuar më tej ai.

Lexo po ashtu Jo vetëm klubet, Puma dhe adidas në ‘luftë’ për nënshkrimin e Haaland

Vardy ka qenë një kërcënim për mbrojtësit që kur iu bashkua Ligës Premier me Leicester në vitin 2014, dhe 127 gola në 261 paraqitje.

Aftësia e tij për të vrapuar pas mbrojtësve ishte jashtëzakonisht e rëndësishme për ekipin fitues të titullit dhe mbrojtësit shpesh nuk kanë qenë në gjendje të përballojnë lëvizjen e tij. /Telegrafi/