Hyn në librin e rekordeve Guinness me koleksionet e filmit “Walking Dead”

Një burrë nga Arabia Saudite ka thyer një Rekord Botëror Guinness për koleksionin prej 3053 copash të ndryshme memorabilie të lidhura me serialin e librave komikë dhe televiziv The Walking Dead.

Rashid Al-Olayan, banor i Dammamit, ka transformuar një pjesë të shtëpisë në një muze të The Walking Dead, ku përfshihen lodra, libra, lojëra, statuja dhe vepra arti të frymëzuara nga seria e librave komikë, seriali i AMC dhe spin-off-et e tij.

“Unë besoj se The Walking Dead është franshiza më e mirë që ekziston”, tha Al-Olayan për Guinness World Records dhe pyeti “kush nuk e do një shfaqje me zombi? Është shfaqja perfekte për mua”.

Koleksioni i Al-Olayan filloi në vitin 2015 me një set figurash aksioni që përshkruanin Michonne, të luajtur nga Danai Gurira, dhe zombit e saj shoqërues.

Tani koleksioni i tij përfshin 3053 artikuj dhe madje përfshin disa pjesë kostumesh të veshura gjatë xhirimeve të serialit.

“Unë besoj se personazhet në shfaqje dhe librat komikë janë të lidhshëm; ti bën tifo për ta dhe dëshiron që ata të mbijetojnë, por fatkeqësisht në këtë shfaqje humb shumë nga personazhet kryesore”, tha Al-Olayan.

Disa nga pjesët e koleksionin janë me autografe të aktorëve të serialit ndërsa Al-Olayan shpreson se një ditë të marrë autografin e Robert Kirkman, shkrimtarit dhe bashkëkrijuesit të serisë së librave komikë. /Telegrafi/