Vëllaznimi i Gjakovës ka mbetur pa trajner, pasi trajneri i deritanishëm, Xhengis Rexhepi është shkarkuar.
Humbja e fundit nga Vushtrria në Ligën e Parë ka bërë që drejtuesit e klubit gjakovar të marrin vendim për shkarkimin e trajnerit.
Ka qenë faqja zyrtare e Vëllaznimit që ka njoftuar se kontrata me Rexhepin është ndërprerë.
Pas 17 ndeshjeve në Ligën e Parë, Vëllaznimi zë pozitën e katërt në tabelë me 33 pikë, katër më pak se lideri Vushtrria.
Njoftimi i plotë nga klubi gjakovar:
Ju njoftojmë se Kryesia e klubit ka vendosur që të ndërpres bashkëpunimin me kryetrajnerin Xhengis Rexhepi
.Kryetrajnerin Rexhepi e falënderojmë për kontributin që ka dhënë, si dhe i urojmë suksese të mëtutjeshme në karrierën e tij
.Për informacione të tjera rreth shtabit teknik do të njoftoheni me kohë.Me respekt KF Vëllaznimi. /Telegrafi/
