Humb jetën një grua në autostradën Tetovë-Gostivar

Një grua e ka humbur jetën, ndërsa një vajzë dhjetëvjeçare është lënduar më lehtë në një fatkeqësi komunikacioni që ka ndodhur mbrëmë në autostradën Tetovë-Gostivar, lajmërojnë nga SPB Tetovë, transmeton Telegrafi Maqedoni.

Automjeti në të cilin janë transportuar familja tre anëtaresh nga Reçica e vogël e Tetovës, ka goditur në tre kuaj të cilët kanë lëvizur të pashoqëruar në autostradë.

Sipas informatave fillestare të SPB Tetovë, fatkeqësia ka ndodhur mbrëmë rreth orës 21.30 në përafërsisht një kilometër nga kryqëzimi për fshatin Tumçevishtë. Automjeti “Citroen C5 “ e drejtuar nga Q.R. (42) ka goditur në kuaj të cilët nga arsye akoma të pa verifikuara kanë lëvizur nëpër autostradë. Nga goditja, lëndime të lehtë kanë marrë bashkëshortja e tij G.R. (38) dhe vajza e tyre dhjetëvjeçare.

Menjëherë pas aksidentit, me dy automjete janë bartur më spitalin e Gostivarit. Nga atje pohojnë se mjekët nuk kanë mundur ti ndihmojnë gruas e cila është sjellë pa vetëdije, ndërsa vajza me lëndime më të lehta është lëshuar për trajtim shtëpiak.

Trupi i të ndjerës me urdhër të Prokurorit publik është dhënë për obduksion. Për shkak të inspektimit që ka zgjatur deri në orën 3 të mëngjesit, komunikacioni është zhvilluar me regjim të veçantë. Pas inspektimit të kryer nga prokurori publik dhe ekipi i stacionit policor të Gostivarit, do të dihen hollësitë dhe shkaqet për këtë fatkeqësi tragjike.

Sipas analizave të SPB Tetovë, në këtë autostradë, për çdo vit regjistrohen mbi njëqind aksidente të shkaktuara nga kafshë, por deri më tani pa viktima dhe të lënduar serioz./Telegrafi/