Hoti: LDK po e mbron Kosovën nga veprimet e dëmshme të Haradinajt e Thaçit

Shefi i Grupit të Deputetëve të LDK-së në Kuvendin e Kosovës, Avdullah Hoti, ka thënë se partia e tij është bërë gardiane e shtetit, duke e ruajtur Kosovën nga veprimet e dëmshme të Qeverisë dhe Presidentit.

Hoti, përmes një postimi në Facebook, ka thënë se disa hulumtime të pavarura kanë treguar se LDK-ja po merr mbështetje më të madhe nga qytetarët, me diferencë të konsiderushme nga partia e dytë.

Hoti më tej ka numëruar nismat që ka ndërmarr partia e tij, për të penguar dhe parandaluiar procese, të cilat ai i ka quajtur të dëmshme për shtetin.

Postimi i plotë i Hotit:

“Ne disa hulumtime te pavarura gjate ketij viti, LDK-ja po merr mbeshtetjen me te madhe nga qytetaret, me diference te konsiderueshme nga partina e dyte. Mbeshtetja po vjen nga te gjitha grupmoshat dhe rajonet e Kosoves. Eshte e qarte se qytetaret e Kosoves mbeshtesin plotesisht politikat e LDK-se. Ne do te avancojme veprimet tona politike ne mbrojtje te shtetit te Kosoves dhe interesave te qytetareve.

Ne jemi bere gardiane te shtetit te Kosoves, duke e ruajtur Kosoven nga veprimet e demshme te Qeverise dhe Presidentit:

– ne kemi parandaluar perjashtimin e Kosoves nga Regjistri Evropian i Cilesise per shkak te nderhyrjeve jo ligjore te kryeministrit.

– ne kemi evituar izolimin nderkombetar te Kosoves ne fund te vitit te kakuar.

– i kemi bllokuar disa nisma ligjore te demshme per shtetin e Kosoves dhe rendin tone demokratik.

– e kemi ndaluar qeverine te fale dhjetera miliona euro tatime te mbetura borxh nga ndermarrjet private.

– e kemi mbeshtetur marrreveshjen e demarkacionit me Malin e Zi per t’i hapur rruge liberalizimit te vizave.

– ne po punojme shume te ndalojme perfshirjen e temes se shkembimit te territoreve ne dialogun me Serbine.

Fatkeqesisht, gjate te gjithe kesaj legjislature te Kuvendit te Kosoves, na eshte dashur te merremi vetem me parandalim te veprimeve te demshme te ketij koalicioni te qoroditur. Ka munguar plotesisht debati per shendetesi e arsim me te mire, punesim per te rinjte, rritje te buxheti dhe te ardhurave, sepse ky koalicion i qoroditur nuk ka as interes, e as ekspertize, per tu marre me keto ceshtje.

Tash po punojme shume me te gjitha strukturat e LDK-se, me Keshillin e Eksperteve dhe me eksperte te pavarur, per te pergatitur programin per qeverisen e ardhshme tete vjecare. Ne po behemi gati t’i ofrojme Kosoves nje model te ri te qeverisjes, nje qeveri civile, me njerez qe kane kulture te gjere dhe ekspertize, me njerez qe kane mbeshtetje qytetare.

Po punojme te unifikojme skenen politike per te formuar nje bllok te gjere politik qe do te udheheq Kosoven ne dy mandatet e ardhshme.

Kemi intensifikuar debatin me strukturat e LDK-se, me elektoratin tone dhe me qytetare te tjere neper komuana per te informuar ata dhe per te marre sugjerimet e tyre.

Do te vizitojme cdo komune per te kerkuar mbeshtetje per misionin tone per demokratizimin e Kosoves dhe konsolidimin e shtetesise te Kosoves ne arenen nderkombetare” (sic.), ka shkruar Hoti. /Telegrafi/