Hollande: Të luftosh ISIS-in në Irak është si të parandalosh terrorizmin në tokën tonë

Presidenti francez, François Hollande u shpreh sot gjatë një vizite në Bagdad se të luftosh kundër grupit të Shtetit Islamik ISIS-it në Irak mundëson parandalimin e terrorizmit në Francë.

“Çdo gjë që kontribuon në rindërtimin në Irak, duke përfshirë një numër të konsiderueshëm masash shtesë shërbejnë për të shmangur nga ana e Daech-it (Akronim në gjuhën arabe të ISIS-it) kryerjen e akteve terroriste në territorin tonë”, u shpreh kreu i shtetit francez gjatë një fjalimi të mbajtur në pranë të forcave ushtarake franceze që trajnojnë forcat speciale irakiane që luftojnë kundër ISIS-it.

“Të veprosh kundër ISIS-it këtu në Irak, është gjithashtu një formë parandalimi e akteve terroriste në territorin tonë duke shmangur që këto veprime të kenë pasoja të rënda mbi patriotët tanë deri në degradim të ngjashme me ato të shënuara në Irak”, tha Hollande gjatë fazës së parë të vizitës së tij një ditore në këtë vend.

Në kuadër të koalicionit ndërkombëtar anti-xhihadist, rreth 500 ushtarë francezë ofrojnë misione këshillimi, trajnimi dhe mbështetje në artileri për ushtarët irakianë në luftën e tyre për të rivënë kontrollin në territoret e pushtuara nga ISIS-i në 2014. Ata nuk marrin pjesë në mënyrë të drejtpërdrejtë në luftimet në terren, transmeton KP.