Historia e dhimbshme e personit që deshi të hidhej nga vinçi (Video)

Pasditen e sotme policia e Tiranës është angazhuar në shpëtimin e një të riu, i cili kërcënonte se do të hidhej nga një vinç i lartë në qendër të kryeqytetit.

35-vjeçari Saimir Zalli, banues në Lezhë duket se e ka patur si mundësinë e fundit kërcënimin me jete, pas një sorrollatjeje të gjatë në procese gjyqësore dhe letra drejtuar institucioneve, për të takuar dy vajzat e tij të vogla, pas divorcit nga e shoqja.

Por kjo e fundit, edhe pse ka patur një vendim gjykate që e detyronte t’i lejonte vajzat të takonin të atin, nuk e ka respektuar, duke denoncuar në polici sa herë Zalla përpiqej të takonte fëmijët.

Lexo po ashtu Kërcënoi se do të hidhej nga vinçi, zbret pas 60 minutash (Video)

Në këto kushte, duke mos gjetur duke zgjidhje Saimir Zalla ka vendosur të bëjë vetëgjyqësi.

“Ose do të v risja veten ose gruan, nuk jetoja dot pa vajzat e mia”, ka treguar ai për gazetarin Spartak Koka, i cili ka qenë edhe negociator në procesin e shpëtimit të Saimir Zallës.

Koka rrëfen për Opinion.al, se Zalla ka kërkuar ndërmjetësinë e një gazetari për të zbritur nga vinçi dhe ai është kontaktuar nga drejtori i policisë së Tiranës për të qenë pjesë e procesit.

“Përpara meje, aty kishte mbërritur edhe kushëriri i Saimirit, i quajtur Feliks, i cili punonte në SHIK”.

Koka tregon se biseda me Saimirin për ta binsur të zbresë ka zgjatur disa minuta dhe më pas, ai ka kërkuar që gazetari ta shoqërojë në ambjentet e komisariatit nr.1, ku po kryohen procedurat përkatëse lidhur me këtë rast.