“Kalojmë në fusha, kalojmë në male. Marshojmë në truallin tonë. E ditë e nat për të krah nuk ndalet. Atdheu ne na fton. Na prin shqiponja, na prit o popull. Po vijmë ne për shpëtim. Dhe le të përhapet si valë rreth e rrotull kjo këngë si kushtrim, si kushtim”
Me këto vargje nis himni i “Korpusit Rinor Azem Hajdari”, që u luajt për herë të parë dje, në 25-vjetorin e 2 Prillit në Shkodër. Himni i luajtur është i “Korpusit Rinor Azem Hajdari”, e cila është një strukturë për të mbrojtur votën e Partisë Demokratike.
Të rinjtë e kësaj lëvizjeje të re mbajtën peshën kryesore të aksionit opozitar në protestën së 8 dhjetorit, ndërkohë që sipas demokratëve, ata do të kenë rol drejtues edhe në protesta të tjera.
