Hidrodrini: 2 milion e 500 mijë euro, investim qeveritar për Pejën në 2025

Në kuadër të autorizimeve dhe obligimeve, në cilësinë e Kryeshefit Ekzekutiv të Kompanisë Rajonale të Ujësjellësit “Hidrodrini” Dri Cena, në seancën e sotme të Asamblesë Komunale të Pejës, ka paraqitur një përshkrim të punës, aktiviteteve dhe planeve të Kompanisë, mbi veprimtarinë në zonën territoriale të komunës së Pejës.

Në këtë paraqitje të sotme, Cena ka njoftuar Asamblenë komunale dhe Ekzekutivin mbi planet investive të nivelit qeveritar për vitin 2025, në rrjetin e ujësjellësit dhe kanalizimit, në adresë të territorit të komunës së Pejës dhe si tërësi e kapin shifrën prej 2 milion e 500 mijë euro.

Me këtë rast, Kryeshefi Cena, ka falënderon secilin Asambleist të komunës së Pejës, për pyetjet, propozimet dhe kërkesat konkrete në adresë të Kompanisë.

KRU “Hidrodrini”, nëpërmjet rrjetit social Facebook kanë theksuar se këto pjesëmarrje janë të mirëseardhura të bëhen edhe në vendet e e tjera të rajonit të Pejës.

“KRU ‘Hidrodrini’ si kompani me shtrirje rajonale, në zonën e vet të mbulueshmërisë ka komunat, Pejë, Klinë, Istog, Deçan dhe Junik dhe se pjesëmarrje të njejta të Kryeshefit, janë të mirëpritura edhe në Asambletë tjera komunale respektive”, kanë shkruar ndër të tjera ata. /Telegrafi/