Supermodelja e njohur, Heidi Klum, 52 vjeçe, mahniti ndjekësit e saj në Instagram të premten, duke postuar një video provokuese ku ujit bimët në kopsht e veshur me bikini nudo nga marka ‘Calzedonia’.
Pamja e saj sensacionale me bikini, që linin pak vend imagjinatës, u shoqërua me një kërcim joshës në sfondin e këngës “Sports Car” nga Tate McRae.
Në klipin elegant, Heidi kishte zgjedhur një model bikini me dy pjesë, ndërsa flokët biondë i kishte lënë të lira, të stiluara me shkëlqim natyral, ndërsa aksesorët elegantë përfshinin vathë të artë, shkruan DailyMail.
Videoja vjen pak ditë pasi Klum festoi diplomimin e djalit të saj, Johan Riley Fyodor Taiwo Samuel, nga shkolla prestigjioze Campbell Hall në Los Angeles.
Në një postim emocionues, ajo shkroi: “Të brohoras sot dhe çdo ditë. Urime Johan! Zemra ime është plot gëzim dhe krenari”.
Në ceremoni mori pjesë edhe djali i saj i madh, Henry, ndërsa në fotografi mungonte babai i Johanit, këngëtari Seal, i cili pritet të performojë në festivalin Jazzablanca 2025 në Casablanca.
Heidi dhe Seal janë gjithashtu prindër të Lou, dhe ish-këngëtari i R&B adoptoi vajzën më të madhe të Heidi-t, Leni, gjatë martesës së tyre që zgjati nga 2005 deri në 2012.
Përveç angazhimeve familjare, Klum është gati për një rikthim të shumëpritur në ekran. Ajo do të jetë sërish pjesë e jurisë së ‘Project Runway’ për sezonin e 21-të, që do të nisë më 31 korrik. /Telegrafi/
