Dani Olmo dhe Pau Victor vazhdojnë të jenë dy emrat më të lakuar në futbollin spanjoll, jo për atë që po bëjnë brenda fushave.
La Liga ka humbur ankesën e saj kundër regjistrimit të Dani Olmo dhe Pau Victor nga Barcelona .
Kjo do të thotë se lojtarët tani janë të liruar për të luajtur deri në fund të sezonit.
Javën e kaluar, CSD kishte thënë: “Është vërtetuar qartë dhe në mënyrë të pamohueshme gjatë gjithë procesit, pas shqyrtimit të argumenteve të palëve, se Komitetit të Monitorimit i mungonte juridiksioni për të vendosur mbi miratimin paraprak dhe licencën e kërkuar nga FC Barcelona”.
Presidenti i La Liga-s, Javier Tebas, kritikoi vendimin e organit qeveritar për të lejuar lojtarët të mbeten të regjistruar dhe e çoi çështjen në gjykatën civile, duke pretenduar: “Ne besojmë se vendimi i CSD-së shkel rëndë kuadrin rregullator në lidhje me kontrollin ekonomik dhe përpunimin e licencave sportive, minon interesin e përgjithshëm të garës dhe komprometon integritetin e tij të barazisë duke shkelur klubin”, deklaroi Tebas.
Megjithatë ankesa e tyre është hedhur poshtë dhe tani dy lojtarët do të jenë nën urdhrat e trajnerit Hansi Flick. /Telegrafi/
